«Вішнёвы» чырвонец

Заканчваецца гарачая пара для ўладальнікаў вішнёвых насаджэнняў. У Глыбокім яна звычайна прыпадае якраз на сярэдзіну лета.

Сярэдні кошт літровага слоіка вішань складаў 10..20 тысяч рублёў. Ведаючы дыяметр вішанак (1..2 сантыметры), можна ацаніць кошт адной такой ягадзіны.
1) Па формуле аб’ёму шара Vш=πd³/6 аб’ём адной вішніны атрымліваецца ад паловы куб.см (дробныя ягады) да 4 кубічных сантыметраў (буйныя ягады). Большасць ягадзін маюць аб’ёмы каля 1..2 куб.см. Ды яшчэ прамежкі паміж ягадзінамі.
2) Як вядома, 1 літр роўны 1000 куб.см. Значыць, у літровым слоіку можа змяшчацца каля тысячы невялікіх вішанак.
3) Для ацэнкі кошту адной вішанкі трэба падзяліць кошт літровага слоіка вішань на іх колькасць у ім. У выніку атрымліваецца, што адна невялікая ягадзіна вішні каштуе недзе каля 10 рублёў!
І гэта ў разгар сезона і ў сталіцы «вішнёвага фэсту»..

А што ж тады можа каштаваць 1 беларускі рубель?

Гэтыя разважанні наводзяць на думку, што сапраўды, наспела патрэба ў чарговай дэнамінацыі беларускіх грошай.